A dixitalización está a revolucionar o sector eólico ao mellorar de maneira significativa a planificación, operación e mantemento dos parques. A través de tecnoloxías como a intelixencia artificial, o big data e a Internet das Cousas (IoT), é posible optimizar procesos, reducir custos e incrementar a eficiencia na xeración. A incorporación de sensores intelixentes e sistemas de monitorización en tempo real permite detectar anomalías e anticipar fallos nos aeroxeradores, favorecendo un mantemento preditivo que diminúe os tempos de inactividade e prolonga a vida útil dos equipos.
Ademais, os algoritmos de aprendizaxe automática permiten adaptar a operación ás condicións meteorolóxicas en tempo real, mellorando a predición do vento e garantindo unha subministración máis estable. A integración en redes intelixentes facilita o equilibrio entre oferta e demanda e a conexión con outras fontes renovables. Neste contexto, a ciberseguridade convértese nun elemento esencial para protexer as infraestruturas críticas. En conxunto, a dixitalización consolídase como unha ferramenta clave para avanzar cara a un sistema enerxético máis eficiente, competitivo e sostible.
PROGRAMA:
– Apertura do evento. Oriol Sarmiento – Cluergal.
– «Identificación das necesidades colectivas estratéxicas do sector» – Alberto Álvarez – Innplica.
– «La digitalización de los parques eólicos como solución a una gestión óptima de los activos» – Álvaro González Salcedo – CENER.
– «La inspección de aerogeneradores sin parada. Del reto, a la realidad » – Alejandro Ávila Búa – Aeromedia UAV.
O obradoiro celébrase o xoves 26 de febreiro de 2026, dende as 09h00 ás 10h00, en formato híbrido, pódese seguir de manera telemática ou na sede de Cluergal. Os relatores conectaranse de manera remota.
A asistencia é gratuita pero é necesaria inscripción previa a través deste:
Este evento forma parte do ciclo de Obradoiros multidisciplinares de Transformación Dixital para impulsar a descarbonización. Organizado por Cluergal e financiado polo Igape – Instituto Galego de Promoción Económica.
