A repotenciación eólica constitúe unha oportunidade para avanzar cara a un modelo enerxético máis eficiente, sustentable e respectuoso co territorio. Trátase de substituír aeroxeradores antigos por outros máis modernos e potentes, mantendo a potencia total instalada, pero reducindo de maneira significativa o número de máquinas e, con iso, a ocupación do solo e o impacto paisaxístico.
En Galicia, onde moitos parques eólicos superan xa os 25 anos de vida, a repotenciación pode permitir aproveitar a infraestrutura existente, mellorar a capacidade de xeración renovable e minimizar a afectación sobre o medio e as comunidades locais.
Esta xornada pretende afondar nos retos e oportunidades desta práctica esencial para consolidar a transición enerxética e o liderado galego no ámbito das renovables.
Celébrase o próximo 12 de novembro, ás 12.00 horas, no Hotel A Quinta da Auga en Santiago de Compostela, e está organizada polo Cluster de Enerxías Renovables de Galicia (Cluergal) co seguinte programa:
11:45 Recepción de participantes
12:00 Apertura
- Jose Ramon Franco | Presidente de Cluergal – Clúster de Enerxías Renovables de Galicia
12:10 Ponencia: Repotenciar para optimizar: claves técnicas do novo modelo eólico
- Camilo Carrillo | Catedrático da Escola de Enxeñeiros Industriais da Universidade de Vigo
12:30 Mesa redonda: “Gobernar co vento: experiencias municipais na repotenciación eólica”
- Carlos López | alcalde da Fonsagrada (PSdeG)
- Valentín Calvín | alcalde de Ortigueira (PPdeG)
- Manuel Muíño | alcalde de Zas (BNG)
Modera:
- Oriol Sarmiento | Xerente de Cluergal – Clúster de Enerxías Renovables de Galicia
13:20 Peche
- María Jesús Lorenzana | Conselleira de Economía e Industria da Xunta de Galicia