Cluergal organiza unha nova edición do curso gratuito sobre xestión do mantemento de instalacións eléctricas. É un curso subvencionado pola Consellería de Emprego, Comercio e Emigración da Xunta de Galicia e financiado pola Unión Europea – NextGenerationEu (ver PROGRAMA DO CURSO DE XESTIÓN DO MANTEMENTO DE INSTALACIÓNS ELÉCTRICAS).
O curso ten 60 horas de duración, na modalidade de “Teleformación” (acceso permanente á plataforma). Iníciase o próximo 16 de xaneiro e finaliza o 20 de febreiro de 2025. O prazo de inscrición pecha o 7 de xaneiro ou ata que se esgoten as prazas.
Poden inscribirse traballadores en activo ou desempregados de Galicia. As prazas son limitadas e a solicitude non implica a súa aceptación en tanto non sexa comunicada formalmente por Cluergal.
