Cluergal pon en marcha unha nova campaña de comunicación e divulgación destinada a achegar á cidadanía boas prácticas relacionadas co aforro e a eficiencia enerxética. Esta iniciativa nace co obxectivo de ofrecer información sinxela, útil e aplicable á vida cotiá, contribuíndo a reducir o consumo de enerxía, mellorar o confort e avanzar cara a un modelo enerxético máis responsable e sostible.
No marco desta campaña, a primeira convocatoria celebrarase o vindeiro mércores 2 de setembro en Santiago de Compostela. Con este formato, Cluergal busca levar o coñecemento sobre eficiencia enerxética máis alá dos foros técnicos e empresariais habituais, fomentando a participación e o intercambio de experiencias en contornas próximas.
A sesión abordará consellos e medidas prácticas para consumir enerxía dun xeito máis eficiente nos fogares e nas actividades diarias. O programa de charlas completarase coa difusión de contidos sobre bos hábitos enerxéticos a través da páxina web e das redes sociais de Cluergal, ampliando así o alcance da iniciativa ao conxunto da sociedade galega.
A charla celébrase no Babylon Garden Café de Santiago (ver Google Maps) o próximo mércores 2 de setembro de 2026 ás 20:00, organizada por Cluergal, coa colaboración da Xunta de Galicia.
A asistencia é libre e gratuita a través deste:
